Weird?

Dear mouse,
Titorolly tagged me. Para hindi mabatukan, ito I am enumerating the six weird things about moi. Dahlings, parang “hinubaran” na naman ang pusa nito sa mata ng mga magbabasa.

Anyway, these are some of things that I consider my “weirdos”.

1. I am a tattoo lady (weep Britney Spears)

Ah hindi po nakatattoo doon… sa aking braso, o sa dibdib. Hindi rin po agila o kaya ay puso na may koronang tinik…at hindi rin po mga pangalan ng mga lalaking aking nagkaroon ng kaugnayan, mapupuno po ang aking hita braso pag nagkaganoon. Achecheche.

Nakikita ninyo itong retrato sa ibaba?

Mata ko po yan. Nakita ninyo ang eyeliner ko? Hindi po pencil o liquid eyeliner yan kung hindi TATTOO.

Sabi nga ng mga kakilala na nakikita akong di pa makamulat sa pagkakagising, ang weird ko raw, nakamake-up na ako.

Sa totoo lang, hindi po ako ang may kasalanan at nagkatattoo ako. May allergy po ako sa mga make-up sa mata at sa labi. Pag hindi kasundo sa mata ko, maluluha ako palagi. One time, mayroon akong speaking engagement. Syempre, make up ako, kahit hirap ang mata ko. Buti na lang kanyo, bago ako nagpatuloy sa aking pambobola sa mga attendees, pumunta ako sa ladies room at muntik ko nang pakitaan ng malaking krus ang babaeng nasa salamin. AKO PALA YON. Kaya lang nangingitim ang paligid ng mata ko. Kumalat ang aking eyeliner. Para akong zombie. Ack ack ack. Dali-dali kong pinunasan na sa tindi ng pagpahid ko muntik nang mabura ang aking mata. hekhekhek.

Yong isa kong associate na babae na talaga namang hindi lalabas ng bahay yong kung hindi ayos ang kaniyang make-up, buhok at damit ang nagdala ng tattoo artist sa bahay ko para patatuan ang aking mata para hindi ko na kailangan ang mag-eye-make-up. If I know, gusto lang niyang may karamay sa sakit. Pagkatapos ng dalawang oras na hilahan ng kamay, sigaw na nakakagimbal sa buong village, natatuan din ang aking mata. Kaya mula noon, hindi ko na kailangang magtungkod para makita ang daan dahil sa nakasara kong matang mahapdi pagnaglalagay ako ng eye-make-up. Landi ko noh? Ang sumagot ng oo, sasampalin ko.

2. I never wear skirt, in fact, I do not have skirt or dress in my closet.

Ay mga kabarangay, kababaryo at kaututang dila, never, never akong nagsuot ng palda o damit dito sa Estet. Sa Pilipinas, ilang beses lang. Minsan sa kasal kung saan ako ay kasama sa entourage. Pero ang hindi nila alam, may pantalon ako sa ilalim ng gown na yon. hehehe

Nang ako ay grumaduate, nakapantalon din ako. Kulang na lang kaladkarin ako ng usher pababa ng stage. Kaya, nililis ko at nilagyan niya ng safety pin para matago sa aking toga. Tsee niya.

Sa San Francisco naman kasi, karaniwan na sa babae ang nakapantalon. Sa financial district noon, mga nakaskirt at pantyhose ang mga ladies. Minsan sinubukan kong magskirt, para akong may hemorrhoid na hindi mapakali sa aking desk. Minsan naman sinubukan ko ang paldang mahaba at maluwang, eh mahangin sa San Francisco, para akong Marilyn Monroe na panay ang utos sa palda na bumaba dahil halos tumakip sa mata ko. Nakabody tights naman ako anoh, dahil malamig.

3. I eat the sandwich fillings first, then the bread.
Huwag ninyo akong tanungin, bakit, dahil di ko alam. Una, kinakain ko ang tomato. Tapos isusunod ko ang bacon o kaya ang hamburger o ano man ang palaman. Pag wala nang palaman, saka ko gugutayin ang tinapay at kakainin. Weird? Sabi yong weird eh.

4. I drink eight cups of tea a day. Minsan sobra pa. Sa dami nga nang iniinom kong tea, magiging green na ang aking kulay. Ala alien ba. So tanong ninyo, madalas ako sa bathroom? Ano fa. Saan ko naman dadalhin ang tubig na yon.

5. I can not bathe in the swimming pool or beach. Isa kahit lumaki ako sa bahay na nakaharap sa Pacific Ocean, hindi ako natutong lumangoy. Isa pa takot ako sa tubig. Hoy naliligo ako sa shower anoh. Takot lang ako sa tubig na lalanguyin. Must have been my near death xperience when I almost drowned at the age of 5.

6.Siguro pinsan ko sa Darna

Ni hindi ako nampipitik ng langaw pero pag galit ako , nagiging malakas ako. Di ba naikuwento ko na yong snatcher na binugbog ko sa kalsada nang mahuli ko. Ayon, lamog ang aking kamay sa sakit nang pagbuntal sa kaniya. Araay. Minsan naman may yong lalaking pamangkin ng aking landlady noon sa apartment na tinirhan ko ay sinira ang aking mga gamit para takutin ako para umalis na doon dahil gusto nilang patirahin ang kanilang kapatid na walang trabaho. Ano bang takot-takot, o sige bugbugan na. Lalaban ba siya sa sundang Bicol?

Gusto ko mang bigyan pa kayo ng kaweirdohan, ay ‘wag na lang. Sino ba ang tatapikin ko? Gusto kong malaman ang kaweirdohan ng mga sumusunod: Kumakain ba sila ng bubog, tumutulay ba sa alambre o nginangatngat pa rin nila ang dulo ng kanilang kumot.
Si Kiwipinay, Reyna Elena, Fraternam Meam, Jmom at si Watson.

The Ca t

eyeliner,tattoo